-
Nga:
BBC
- 1 shkurt 2022 13:08
- Shpërndaje në:
Ligjet, politikat dhe praktikat izraelite kundër palestinezëve në Izrael dhe në territoret e pushtuara janë aparteid, thotë Amnesty International.
Një raport i ri pretendon se shteti izraelit mban “një regjim të institucionalizuar të shtypjes dhe dominimit të popullsisë palestineze për të mirën e izraelitëve hebrenj”.
Aparteidi konsiderohet një krim kundër njerëzimit sipas ligjit ndërkombëtar.
Izraeli në raport thotë se “i hedh poshtë absolutisht të gjitha akuzat e rreme”.
Një zëdhënës i ministrisë së jashtme akuzoi Amnesty për riciklimin e “gënjeshtrave, mospërputhjeve dhe pohimeve të pabaza që burojnë nga organizata të njohura të urrejtjes anti-izraelite”.
“Raporti mohon të drejtën e shtetit të Izraelit për të ekzistuar si shtet kombëtar i popullit hebre. Gjuha e tij ekstremiste dhe shtrembërimi i kontekstit historik janë krijuar për të demonizuar Izraelin dhe për të hedhur karburant në zjarrin e antisemitizmit”, thanë ata në një deklaratë.
Aparteidi ishte një politikë e ndarjes dhe diskriminimit racor që u zbatua nga qeveria e pakicës së bardhë në Afrikën e Jugut kundër shumicës së zezë të vendit nga viti 1948 deri në 1991.
