Dy persona që ishin në një aeroplan luftarak të kohës sovjetike MiG-23, dolën sigurt nga aeroplani pak para se të rrëzohej gjatë një spektakli ajror në Michigan, raporton BBC.
Aeroplani u përfshi nga zjarri dhe më pas u rrëzua.
Piloti dhe pasagjeri që ishin duke operuar aeroplanin gjatë shfaqjes Thunder Over Michigan të dielën, arritën të dilnin sigurt nga aeroplani dhe të zbrisnin me parashuta.
Ata u dërguan në spital, por nuk u raportua për lëndime.
Aksidenti ndodhi të dielën në Belleville të Michiganit.
Edhe
12 të vdekur pas rrëzimit të aeroplanit në Missouri të SHBA-së
Aeroplani u rrëzua në një parking në Waverly, ndërsa ishte pranë të godiste një ndërtesë.
Video nga momenti kur piloti dhe pasagjeri katapultohen nga aeroplani i përfshirë nga zjarri ka qarkulluar nëpër rrjete sociale. Admistrata Federale e Aviacionit në SHBA ka thënë se do ta hetojë rastin. Nuk është bërë e qartë se çfarë çoi deri te aksidenti.
