Ministrja gjermane për Çështjet Familjare, Lisa Paus, ka thënë se 90 për qind e atyre që jetojnë në vend e kanë pranuar se në vend ka racizëm, shkruan Anadolu Agency.
Paus njoftoi rezultatet e hulumtimit që institucioni "Agjencia Kombëtare për Monitorimin e Diskriminimin dhe Racizmin" në Berlin ka zhvilluar duke anketuar 5 mijë persona.
"Racizmi dëmton vlerat themelore kushtetuese në Gjermani. Sipas rezultateve të hulumtimit, 90 për qind e atyre që jetojnë në Gjermani e pranojnë se në vend ka racizëm. Duam apo nuk duam racizmi ndodhet në çdo vend dhe na prek të gjithëve. Madje, ka nga ata që kanë humbur jetën si pasojë e racizmit", shtoi Paus.
Hulumtimi zbuloi se të paktën 22 për qind e atyre që jetojnë në Gjermani kanë përjetuar racizëm të paktën një herë.
Në hulumtim bëhet e ditur se të qenurit mysliman perceptohet si një "problem" në vete madje si një "rrezik" dhe se përkatësia fetare është racializuar.
Sipas hulumtimit, më shumë se një e katërta e popullatës ndajnë mendimin se pabarazia ndërmjet grupeve sociale është legjitime.
Edhe
Myslimanët në Evropë përjetojnë ngritje shqetësuese të diskriminimit, zbulon sondazhi
Shumë njerëz në Gjemani besojnë në ekzistencën e racave njerëzore.
Përvojat e drejtpërdrejta raciste po bëhen më të shpeshta në mesin e anëtarëve të rinj të grupeve raciste.
Theksohet se pothuajse askush në Gjermani nuk ka dyshim për ekzistencën e racizmit në vend.
