Media shtetërore në Egjipt njoftoi se një gjykatë ka dënuar 75 vetë me vdekje, mes tyre figura të rëndësishme të Grupit Vëllazëria Myslimane, të nxjerrë jashtë ligjit, për përfshirje në një protestë të vitit 2013.
Vendimi i sotëm i gjykatës kriminale të Kajros mbetet t’i çohet Myftiut të Madh, që është autoriteti më i lartë fetar i vendit, për opinionin e tij jo-detyrues për dënimet, transmeton Zëri i Amerikës.
Po sipas mediave shtetërore në internet, 660 persona të tjerë pritet të dënohen më 8 shtator.
Janë gjithsej 739 të pandehur, mes tyre Udhëheqësi Suprem Vëllazërisë Myslimane Mohammed Badie dhe reporteri Mahmoud Abu Zeid. Akuzat e ngritura janë të ndryshme, nga vrasje, në dëmtim të pronës publike.
Protesta e vitit 2013 ishte në mbështetje të ish Presidentit islamik Mohammed Morsi, i cili u detyrua të largohej nga pushteti pas protestave masive kundër sundimit të tij përçarës një-vjeçar. Protesta u shpërnda me dhunë.
-
75 dënime kapitale e 47 të përjetshme për shkak të protestave në Egjipt
-
Egjipti dënon 75 persona me dënim me vdekje
-
Gjykata e Egjiptit lë në fuqi dënimet e përjetshme për 10 islamikë
-
Në Egjipt arrestohen 54 të dyshuar për terrorizëm
-
IHR: 100 të burgosur nga protestat në Iran përballen me dënim me vdekje