Treni del nga shinat në Washington, ka viktima Foto: Reuters

Treni del nga shinat në Washington, ka viktima

18 December 2017 18:36

Disa të vdekur dhe shumë të plagosur raportohen pasi një tren i shpejtësisë së lartë “Amtrak” ka dalë nga shinat në mesin e udhëtimit të tij mes Seattle dhe Portland.

Treni 501 po shkonte drejt jugut, kur papritmas doli nga shinat në një udhëkryq mbi urë, në DuPont të Washingtonit rreth orës 7 e 40 të mëngjesit, me atë lokale, duke rënë mbi një makine tjetër.

Kompania “Amtrak” konfirmoi se njëri prej trenave të tij është përfshirë në incident, por nuk dha detaje të mëtejshme. Kjo ishte dita e parë e shërbimit të ri të shpejtësisë së lartë “Cascade”.

“Jemi në dijeni të incidentit me trenin 501 të kompanisë sonë”, shkroi në “Twitter” operatori i kësaj linje. “Do t’iu njoftojmë sa më shpejt që të jetë e mundur pasi të sigurojmë detaje”, transmeton Tch.

Pikërisht përpara urës ka një kthesë të fortë të trasesë, e besohet se aty treni po ecte me një shpejtësi rreth 128 km në orë.

Në bordin e trenit ishin 70 pasagjerë, ndërsa kapaciteti i tij është 250 të tillë. Zyrtarë të forcave ligjzbatuese thanë se ka edhe viktima, por nuk japin për momentin shifra.

Në vendngjarje shkuan ekipet e emergjencave.

Komentet

Shto koment

Të ngjashme