Azerbajxhani ka akuzuar për financim të terrorizmit dhe krime të tjera ish-kryetarin e rajonit të Nagorno-Karabakhut, Ruben Vardanyan.
Ai është arrestuar të mërkurën në mesin e turmës së madhe të armenëve që po braktisin rajonin që tani kontrollohet plotësisht nga Azerbajxhani.
Arrestimi i tij është reflektim i qëllimeve të Azerbajxhanit që me shpejtësi dhe forcë të zgjerojë pushtetin në rajon pas ofensivës ushtarake që nxiti eksodin e mijëra armenëve etnikë.
Vardanyan, biznesmen miliarder, i cili bëri pasuri në Rusi duke qenë pronar i një banke investuese, u shpërngul në Nagorno-Karabakh në vitin 2022 dhe shërbeu si kryetar i qeverisë rajonale për disa muaj para se të jepte dorëheqje në fillim të vitit 2023.
Të mërkurën, Ministria e Shëndetësisë në Azerbajxhan ka njoftuar se 192 ushtarë azerbajxhanas janë vrarë dhe 511 të tjerë janë plagosur gjatë ofensivës në Nagorno-Karabakh.
Gjatë këtij sulmi është vrarë edhe një civil.
Zyrtarët në Nagorno-Karabakh në fillim të javës kanë njoftuar se së paku 200 pjesëtarë të forcave armene janë vrarë dhe 400 të tjerë janë plagosur gjatë luftimeve.
© KOHA. Të gjitha të drejtat janë të rezervuara.
