Një i plagosur e dëme të mëdha në infrastrukturë, pasi Rusia goditi portin Odesa

Një person u plagos e infrastruktura pranë portit ukrainas Odesa u dëmtua, si pasojë e një sulmi me dron dhe një rakete ruse mbi këtë rajon, ka bërë të ditur kreu rajonal, Oleh Kiper.

Sulmi i mbrëmshëm ka dëmtuar edhe infrastrukturën portuale, një depo gruri dhe një ndërtesë tjetër të zbrazët që dikur ishte hotel. Shërbimi i Urgjencës i Ukrainës ka shpërndarë një video që tregon zjarrfikësit në ndërtesën e hotelit duke u përpjekur ta shuajnë zjarrin.