Presidenti i Shteteve të Bashkuara të Amerikës, Joe Biden, është penguar dhe është rrëzuar të enjten gjatë një ceremonie diplomimi të Akademisë së Forcave Ajrore të SHBA-së në Colorado, raportoi BBC-ja.
Reagimi i tre zyrtarëve të Forcave Ajrore ishte i shpejtë, të cilët e ndihmuan Bidenin të ngrihej dhe të vazhdonte për në vendin e tij.
Derisa u ndihmua të ngrihej në këmbë, presidenti 80-vjeçar i SHBA-së bëri me gisht pas tij për të treguar se çfarë e kishte penguar.
Shefi i komunikimit i Shtëpisë së Bardhë, Ben LaBolt ka deklaruar se gjendja e Bidenit pas këtij rasti të ndodhur të enjten, është e mirë.
