Katër bankierë do të dalin në gjyq në Cyrih javën e ardhshme të akuzuar se kanë ndihmuar një njeri të njohur si “kuleta e Vladimir Putinit” për të depozituar miliona franga zvicerane në Zvicër.
Katër burrat që punonin në Gazprombank, do të dalin në gjyq më 8 mars dhe akuzohen për mungesë të kujdesit në transaksione financiare duke mos identifikuar pronarin përfitues të parave, raportoi Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMediat zvicerane thanë se vlera e përfshirë në këtë rast ishte rreth 50 milionë franga zvicerane.
Dy llogari ishin hapur në Gazprombank më 2014 me përfituesin e identifikuar si Sergei Roldugin, një mik i afërt dhe i besuar i presidentit rus.
Roli i Rolduginit si “kuleta” e Putinit u zbulua më 2016 nga Panama Papers, një hetim i bazuar në miliona dokumente të publikuara.
Bankierët nuk kishin kryer asnjë kontroll për të parë nëse Roldugin ishte pronari përfitues i aseteve.
Në Zvicër, bankat janë të detyruara që të refuzojnë ose shkëpusin marrëdhëniet biznesore nëse ka dyshime fillestare për identitetin e palës kontraktuese.
Llogaritë janë mbyllur në shtator 2016. Roldugin ka qenë cak i sanksioneve të SHBA-së pas pushtimit rus në Ukrainë dhe sanksioneve në Zvicër, qeveria e së cilës i është referuar atij si “kuleta e Putinit” në listën e personave të bllokuar.