Instituti Rumun i Fizikës së Tokës ka njoftuar se pas tërmetit me magnitudë 5.7 që goditi juglindjen e këtij vendi të martën u pasua nga 94 pasgoditje. Ishte tërmeti më i fortë në 200 vjetët e fundit në këtë zonë, shkruan RomanianTimes.
Drejtori i Institutit, Konstantin Ionesku, ka thënë se tërmeti është ndierë në një zonë të madhe, përfshirë Kosovën. Në zonën epiqendrore, kishte lokalitete ku matjet treguan një intensitet mbi shtatë gradë të shkallës Rihter.
“Intensiteti epiqendror ishte nga 6 deri në 7 gradë. Ka pasur lokalitete ku ka kaluar shtatë. Është një zonë sizmike e njohur që ka pasur aktivitet të dobët deri tani. Ajo që ka ndodhur është intensiteti më i lartë sizmik në 200 vjetët e fundit në këtë zonë”, ka thënë Ioensku.
Siç shpjegon ai, ishte një surprizë e madhe për të gjithë.
“Llogaritjet tona treguan një magnitudë maksimale prej 5.5 ballë në zonë. Kanë ndodhur dy tërmete me magnitudë mbi pesë ballë. Është e qartë se ka pasur një intensifikim të theksuar të aktivitetit sizmik. Kjo do të ndryshojë hartën sizmike për zonën", shpjegoi ai.
Në fund, Ionesku thekson se në periudhën në vijim mund të pritet tërmete me intensitet më të ulët, me magnitudë maksimale katër gradë.
© KOHA. Të gjitha të drejtat janë të rezervuara.
