Të paktën katër persona kanë vdekur pasi qyteti më i madh i Zelandës së Re përjetoi “ditën e tij me më së shumti reshje të regjistruar” të premten.
Auckland thuhet se ka pasur 75% të reshjeve të zakonshme të verës në vetëm 15 orë, shkruan BBC.
Një gjendje e jashtëzakonshme lokale u shpall pasi autoritetet menaxhuan evakuimet dhe përmbytjet e përhapura.
Kryeministri i Zelandës së Re, Chris Hipkins falënderoi shërbimet e urgjencës për reagimin e tyre të shpejtë ndaj katastrofës.
Kryeministri i ri udhëtoi për në Auckland, ku shprehu edhe ngushëllimet e tij për të dashurit e të vdekurve nga përmbytjet.
“Humbja e jetës nënvizon shkallën e madhe të kësaj ngjarjeje moti dhe sa shpejt u kthye në tragjike”, tha ai në një konferencë për shtyp të shtunën pasdite.
Reshjet përmbytën aeroportin, zhvendosën shtëpitë dhe rezultuan në ndërprerje të energjisë elektrike në shtëpi për orë të tëra.
Forcat mbrojtëse të Zelandës së Re u mobilizuan për të ndihmuar me evakuimet dhe strehimoret e emergjencës u ngritën në të gjithë qytetin.
© KOHA. Të gjitha të drejtat janë të rezervuara.
