Policia në Kashmir ka nisur një kërkim për sulmuesit që vranë katër civilë në një sulm në një fshat në kontrollin indian të dielën.
Sulmuesit gjuajtën me plumba drejt një sërë shtëpish civilësh në një fshat të largët, duke lënë të paktën katër civilë të vdekur dhe pesë të tjerë të plagosur.
Policia fajësoi militantët, të cilët kanë luftuar kundër sundimit indian për dekada të tëra, për kryerjen e sulmit në fshatin Dhangri, pranë vijës shumë të militarizuar të kontrollit që ndan rajonin e diskutueshëm midis Indisë dhe Pakistanit. Pas sulmit të së dielës, të hënën një fëmijë u vra dhe pesë civilë të tjerë u plagosën në një shpërthim që ndodhi pranë një prej shtëpive të shënjestruara. Ishte e paqartë nëse eksplozivi ishte lënë pas nga sulmuesit.
Rebelët në pjesën e kontrolluar nga India kanë luftuar kundër sundimit të Nju Delhit që nga viti 1989. Shumica e banorëve myslimanë të Kashmirit mbështesin qëllimin rebel për bashkimin e territorit, qoftë nën sundimin pakistanez ose si një vend i pavarur. / AP
