Mijëra njerëz mbesin pa energji elektrike në Kaliforni si pasojë e tërmetit
Mijëra njerëz kanë mbetur pa energji elektrike në Kaliforni pasi një tërmet me magnitudë 6.4 goditi disa pjesë atje herët të martën, ka bërë të ditur Shërbimi Gjeologjik i SHBA-së.
Nuk u raportua menjëherë për të lënduar pas tërmetit, i cili ndodhi rreth orës 2:34 të mëngjesit pranë Ferndale, një komunitet i vogël rreth 343 km në veri-perëndim të San Franciskos, raportoi The Guardian.
Pas tërmetit, më shumë se 55,000 klientë u raportuan se ishin pa energji elektrike në zonën përreth, sipas poweroutage.us, i cili gjurmon ndërprerjet në të gjithë vendin.
Tërmeti erdhi vetëm disa ditë pasi një tërmet i vogël me magnitudë 3.6 goditi zonën e Gjirit të San Franciskos, duke zgjuar mijëra njerëz në orën 3:39 të mëngjesit të së shtunës dhe duke shkaktuar dëme të vogla.
