Botë

Putini përpiqet ta nxitë një tjetër luftë në Evropë

Pa ndihmën e Evropës, qeveria Sandu mund të bjerë këtë dimër dhe të zëvendësohet nga një regjim pro-rus, me pasoja për të gjithë rajonin, paralajmëron “Der Spiegel”
Pa ndihmën e Evropës, qeveria Sandu mund të bjerë këtë dimër dhe të zëvendësohet nga një regjim pro-rus, me pasoja për të gjithë rajonin, paralajmëron “Der Spiegel”

Moldavia kërkon të anëtarësohet në Bashkimin Evropian, por Rusia po bën gjithçka që mundet për të destabilizuar republikën e vogël. Kremlini ka frenuar në mënyrë radikale dërgesat e gazit dhe po orkestron protesta në vend, shkruan gjermania “Der Spiegel”

 

Moldavia kërkon të anëtarësohet në Bashkimin Evropian, por Rusia po bën gjithçka që mundet për të destabilizuar republikën e vogël. Kremlini ka frenuar në mënyrë radikale dërgesat e gazit dhe po orkestron protesta në vend, shkruan gjermania “Der Spiegel”

Ata janë mbledhur para Pallatit Presidencial në kryeqytetin e Moldavisë, Kishinau, ashtu siç janë mbledhur prej javësh. Burra të moshuar me pantallona sportive dhe gratë fshatare me shami. Duket se janë disa mijëra prej tyre, që protestojnë kundër çmimeve të energjisë, të cilat janë shumëfishuar në Moldavi që nga viti i kaluar. Flamuri moldav valon kudo dhe demonstruesit brohorasin në rusisht: "Maia Sandu duhet të ikë!"

Kur lideri i demonstratës, politikani i opozitës proruse, Ilan Şor, lidhet me video, një murmuritje kalon nëpër turmë. Një gjykatë e dënoi Şorin me shtatë vjet e gjysmë burg për mashtrim. Por për t'i shpëtuar burgut, ai iku në Izrael. Qeveria e Shteteve të Bashkuara ka vendosur sanksione ndaj tij për nxitjen e trazirave në Moldavi me ndihmën e Moskës. Presidentja Sandu ka shkatërruar ekonominë, thotë Şor, dhe vetëm partia e tij mund ta shpëtojë vendin, analizon “Der Spiegel”.