Policia në Ekuador ka arrestuar shtatë persona të armatosur që janë futur në spital në tentim për të vrarë një tinejxher që po trajtohej aty, raporton BBC.
Anëtarët e një bande kanë marrë infermieret si pengje dhe kanë shkëmbyer zjarr me policinë, para se të ndaloheshin.
Gjitha pengjet janë liruar dhe nuk ka të lënduar.
Një adoleshent 17-vjeçar, i njohur si “Dirty Face”, ishte shënjestër. Ai besohet se është anëtar i një bande rivale, dhe ishte në kujdes intensiv për t’u trajtuar nga plagët që kishte marrë nga plumbat.
Shtatë personat e armatosur kanë mbajtur peng stafin e spitalit për më tepër se një orë, ka thënë një nga dëshmitarët, raporton “El Diario”.
Në rrjete sociale ka qarkulluar një video ku shihen persona të armatosur e të maskuar duke i bërtitur një gruaje në dalje të spitalit, para se të tërhiqnin atë brenda.
Presidenti i Ekuadorit, Guillermo Lasso, ka falënderuar policinë për intervenimin e shpejt, dhe ka thënë se ka shpëtuar jetët.
Debo destacar el notable trabajo de la @PoliciaEcuador en el Hospital Napoleón Dávila de Chone. Su intervención logró detener a los 7 delincuentes, liberar 4 rehenes y salvar vidas. Esas son nuestras fuerzas del orden: listas para defender a la ciudadanía. Situación bajo control. pic.twitter.com/2ASdtxjeKV
— Guillermo Lasso (@LassoGuillermo) November 28, 2022
