Khersoni ukrainas aktualisht është zona më lehtë e prekshme nga granatimet ruse, thuhet në një raport të Inteligjencës britanike, raportoi BBC-ja të hënën.
Qyteti aktualisht gjendet brenda rrezes së shumicës së sistemeve të artilerisë ruse, që aktualisht po sulmojnë nga bregu i majtë i lumit Dnipro.
“Një pjesë e konsiderueshme e dëmit është shkaktuar në Kherson për shkak të përdorimit të sistemeve raketore, kryesisht sistemeve BM-21 Grad”, thuhet në njoftim.
Khersoni është çliruar para disa javëve, por ushtria ruse nuk ka reshtur së sulmuari me artileri të rëndë. Aty është kthyer një pjesë e banorëve, por autoritetet iu kanë bërë thirrje të evakuohen.
Kjo zonë ka ngelur ende e pambrojtur siç duhet, paçka se ushtria ukrainase është futur si çliruese.
