Botë

Von Cramon reagon pas dhuratës që mori Vuçiq nga Kadyrovi

Viola von Cramon - konference ne Kosove

Raportuesja për Kosovën në Parlamentin Evropian, Viola von Cramon, ka reaguar pas dhuratës që ka pranuar të martën presidenti serb, Aleksandar Vuçiq nga udhëheqësi çeçen, Ramzan Kadyrov.

Duke i publikuar dy fotografi në Twitter, ku në njërën shihet Vuçiq pranë ish-kancelares gjermane, Angela Merkel, dhe në tjetrën me këshilltarin e Kadyrovit, Von Cramon ka bërë një krahasim të asaj se ku ishte Serbia më parë dhe ku është tani.

“Si nisi dhe si po shkon”, ka shkruar Von Cramon krah fotografive të publikuara.

 

Në emër të liderit çeçen Ramzan Kadyrov, këshilltari i tij në vendet arabe dhe myslimane, Turko Daudov, ka zhvilluar një takim pune me presidentin e Serbisë, Aleksandar Vuçiq.

Daudov përcolli përshëndetjet nga Çeçenia për presidentin e Serbisë dhe përmes tij edhe për mbarë popullin serb, duke thënë se lidershipi dhe populli serb e mbështetën Federatën ruse, pavarësisht presionin të Perëndimit.

Ai i dhuroi Vuçiqit një burkë dhe kapelë kombëtare.