Gjermania do ta shtetëzojë gjigantin e gazit “Uniper” në një përpjekje për të siguruar furnizimin me energji në mes të luftës në Ukrainë.
Marrëveshja do të bëjë që qeveria gjermane të marrë 98.5% të aksioneve në firmë me një kosto prej 8.5 miliardë eurosh, raportoi BBC-ja të mërkurën.
Gjermania është importuesi më i madh në Evropë i gazit rus dhe ndodhet në një gjendje të vështirë, veçanërisht pasi Rusia ka reduktuar furnizimet në muajt e fundit.
Shefi ekzekutiv Klaus-Dieter Maubach, tha se marrëveshja do të ndihmonte rolin e Uniper si "një furnizues energjie kritik për sistemin".
Përpara pushtimit të Ukrainës, Rusia furnizonte Evropën me rreth 40 për qind të gazit të saj natyror dhe u është përgjigjur sanksioneve perëndimore duke ndërprerë gradualisht furnizimet.
Në fillim të këtij muaji, Rusia ndaloi furnizimet përmes gazsjellësit Nord Stream 1, duke pretenduar se nevojiteshin riparime - por më vonë tha se rrjedha nuk do të rifillonte kur të hiqen sanksionet.
Uniper është blerësi më i madh i gazit rus në Gjermani.
Muajt e fundit i është dashur të zëvendësojë furnizimet ruse me alternativa nga tregu i hapur, ku çmimet janë rritur.
