Arrestohet një grua në lidhje me vrasjen e dy fëmijëve, që u gjetën në Zelandë në një valixhe
Foto: Reuters
Policia në Zelandë të Re thotë se një grua në Kore të Jugut është arrestuar në lidhje me vrasjen e dy fëmijëve që janë gjetur në një valixhe muajin e kaluar, raporton BBC.
Në një rast që ka shokuar shtetin, trupat u zbuluan nga dy të huaj që kishin blerë valixhen nga një njësit magazinimi në Auckland.
Trupat ishin mbajtur për disa vjet. Policia e Koresë së Jugut ka thënë se viktimat ishin të moshës 7 dhe 10-vjeçare.
Zelanda e Re ka kërkuar ekstradimin e gruas nga Koreja e Jugut.
Policia zelandeze ka thënë se po punon nga afër me autoritetet jugo-koreane në tri javët e fundit në kërkim të gruas, që është në të 40-tat, pasi tha muajin e kaluar se besohet se e dyshuara besohet se është në Kore të Jugut.
Arriti të gjurmohet pasi u identifikuan viktimat, emrat e të cilëve ende nuk janë bërë të ditura.
“Të kemi dikë në paraburgim pas një periudhe kaq të shkurtër, ka qenë e mundur vetëm me ndihmën e autoriteteve koreane dhe koordinimit me to”, ka thënë detektivi Tofilau Fa’amanuia Vaaleua.
Gruaja është me prejardhje koreane, ndërsa kishte qenë e fshehur në një apartament në qytetin Ulsan. Ajo u kap të enjten në mëngjes.
