Londra në kaos, punonjësit e hekurudhave mbajnë grevë në kryeqytetin britanik

Shoferët e trenave kanë qëndruar para stacionit në Euston në Londër, gjatë mëngjesit të së enjtes, teksa mijëra punëtorë në Mbretërinë e Bashkuar hynë në grevë për vendet e punës, pagat dhe kushtet, duke i ndërprerë shërbimet në pjesën më të madhe të vendit.

Aksioni ishte i fundit në një seri grevash nga punëtorët britanikë që kërkonin rritje të konsiderueshme për t’i kompensuar çmimet në rritje të ushqimit dhe karburantit.