Botë

Policia ndërhyn në qendrën e numërimit të votave në Kenia

Zgjedhjet paqësore presidenciale në Keni rezultuan me një përplasje të shkurtër kur policia e trazirave iu reagoi pas përleshjeve në qendrën kombëtare të numërimit derisa po priten rezultatet e para.

Një agjent i liderit dhe kandidatit të opozitës për një kohë të gjatë, Raila Odinga, njoftoi nga foltorja se qendra e numërimit është kthyer në “skenë krimi” përpara se në sallë të rivihej rendi.

Ai nuk ofroi asnjë provë në shembullin e fundit të pretendimeve të paverifikuara që të dy fushatat kryesore kanë bërë ndërsa Kenia pret për rezultatet zyrtare. Komisioni zgjedhor ka shtatë ditë nga zgjedhjet e së martës për t’i shpallur rezultatet.

Komisioni i zgjedhjeve njoftoi se procesi po shkonte shumë ngadalë. Policia ka qëndruar në qendër, mëngjesin e së dielës.