Ish-lideri gjerman, Gerhard Shroeder, i kritikuar për marrëdhënien e tij me presidentin rus, Vladimir Putin, e ka paditur parlamentin gjerman.
Schroeder, ka ngritur padi për heqjen e disa përfitimeve pas daljes në pension, raportoi BBC të premten.
Avokati i tij i tha agjencisë gjermane të lajmeve DPA të premten se ai kishte paraqitur një padi në gjykatën administrative të Berlinit.
Bundestagu tha se nuk kishte marrë ende padinë dhe nuk mund të komentonte më tej.
Në vendimin e tij për t'i hequr atij përfitimet, komiteti përgjegjës i buxhetit arriti në përfundimin se Schroeder, 78 vjeç, "nuk i respekton më detyrimet e vazhdueshme të zyrës së tij".
Por duke folur për transmetuesin publik NDR të premten, avokati i tij, Michael Nagel, tha se vendimi për të pezulluar zyrën e financuar nga taksapaguesit e Schroeder ishte "në kundërshtim me sundimin e ligjit".
Ai shtoi se Schroeder, i cili ishte në detyrë nga viti 1998 deri në 2005, kishte kërkuar një dëgjim para komisionit, por nuk iu dha mundësia të shprehej.
Një zëdhënës i gjykatës administrative të Berlinit konfirmoi se avokatët kishin paraqitur një ankesë.
