Shefi i politikës së jashtme të Bashkimit Evropian, Josep Borrell, e cilësoi ditë historike nisjen e negociatave të Maqedonisë së Veriut për anëtarësim në BE.
Ai shkroi në Twitter të martën, se Maqedonia e Veriut i nevojitet BE-së që ta kompletojë “identitetin kompleks së bashku”.
“Është një ditë historike për Maqedoninë e Veriut dhe Bashkimin Evropian në përgjithësi”, tha Borrel.
Të martën, Maqedonia e Veriut dhe Shqipëria nisën negociatat për anëtarësim në Bashkimin Evropian pas shumë vjetësh pritje.
Pas 17 vjetëve qëkur Maqedonia e Veriut mori statusin e vendit kandidat për BE, rruga e negociatave për anëtarësim u hap së fundmi, me miratimin e propozimit të Francës për zgjidhjen e kontestit gjuhësor e historik me Bullgarinë. Kuvendi i Maqedonisë së Veriut e kaloi më 16 korrik propozimin, me 68 vota për, asnjë kundër e asnjë abstenim.
-
19 korrik 2022 11:20
-
Shpërndaje në: