Kryeministri britanik Boris Johnson njoftoi të enjten se do të japë dorëheqjen pas një vale dorëheqjesh nga të paktën 50 ligjvënës dhe zyrtarë qeveritarë gjatë 48 orëve të fundit.

Dorëheqjet pasuan zbulimin se Johnsoni e dinte se një ligjvënës konservator, Chris Pincher, po hetohej për akuza për sjellje të pahijshme seksuale në vitin 2019 përpara se të emërohej në një rol të lartë përgjegjës për disiplinën partiake.

Pincher dha dorëheqjen javën e kaluar pasi u përball me akuza të reja se ai ngacmoi dy burra në një ngjarje pune më 29 qershor.

Këto ngjarje janë më të fundit në një varg skandalesh që rrethojnë liderin britanik, pasi një hetim zyrtar zbuloi një sërë festash të paligjshme në zyrën e tij në Downing Street që u zhvilluan gjatë bllokimeve mbarëkombëtare COVID-19.

Megjithëse Johnsoni i mbijetoi një votimi të mëvonshëm të mosbesimit më 6 qershor, më shumë se 40% e ligjvënësve konservatorë deklaruan se kishin humbur besimin në aftësinë e tij për të qeverisur vendin.

Ben Wallace

Sekretari i Mbrojtjes, Ben Wallace, konsiderohet si pasardhësi i preferuar i Johnsonit. Wallace ka përjetuar rritje të popullaritetit kohët e fundit falë qasjes së tij ndaj luftës ruse në Ukrainë – një sondazh zbuloi se ai ishte i preferuar mes partisë.

Ish-kapiten i ushtrisë, Wallace ka qëndruar kryesisht jashtë vëmendjes si ministër për ish-udhëheqësit David Cameron dhe Theresa May. Ndërsa ai shfaqi besnikërinë e tij ndaj Johnsonit, Wallace e ka mbajtur veten larg skandaleve.

Rishi Sunak

Ish-ministri i Financave, Rishi Sunak, është një tjetër favorit për të marrë postin e kryeministrit britanik. Sunak ishte një nga ministrat më të lartë të kabinetit që dha dorëheqjen të martën.

Johnsoni e nxori ish-menaxherin e fondeve mbrojtëse Sunak nga errësira relative politike kur e emëroi atë si ministër të Financave, të njohur si kancelar i thesarit në Britani, në shkurt 2020. Roli i tij u dominua nga pandemia COVID-19, ku Sunaku shpërndau miliarda euro punëtorëve e bizneseve të ndryshme, duke e bërë atë qartësisht një favorit për ta pasuar Johnsonin.

Megjithatë, popullariteti i Sunakut është zbehur muajt e fundit. Ish-ministri i Financave u kritikua se ishte i ngadalshëm për të reaguar ndaj krizës së kostos së jetesës që prek britanikët dhe polemika mbi statusin e taksave jo-vendbanuese të gruas së tij milionere.

Dominic Raab

Zëvendëskryeministri dhe sekretari i Drejtësisë, Dominic Raab, është i radhës për ka shanset për ta pasuar Johnsonin. Ai e mori përkohësisht rolin e kryeministrit në vitin 2020 kur Johnsoni ishte në spital me COVID-19.

Edhe pse Raab i ka qëndruar besnik Johnsonit gjatë mandatit të tij si kryeministër - duke mbrojtur publikisht vendimin për të promovuar Pincherin - kalimi i tij nga sekretar i Jashtëm në sekretar Drejtësie u pa si një ulje në detyrë, pasi ai nuk arriti të kryente pushimet me kohë kur talebanët morën kontrollin e Kabulit në gusht.

Penny Mordaunt

Penny Mordaunt, pretendentja më e njohur që nuk ka mbajtur asnjë pozicion në kabinet nën drejtimin e Johnsonit, është një tjetër favorite për ta pasuar atë. Ish-sekretarja e Mbrojtjes është një mbështetëse e Brexitit, por ka qenë e zëshme në kritikat e saj ndaj Johnsonit për skandalin "partygate".

Ajo është e popullarizuar në mesin e besnikëve konservatorë – duke u renditur e dyta në sondazhin e fundit të Shtëpisë Konservatore të liderëve të mundshëm konservatorë.

Sajid Javid, Jeremy Hunt, Liz Truss, Nadhim Zahawi e Priti Patel janë emrat e tjerë që përfolën për ta zëvendësuar Boris Johnsonin, megjithëse shanset e tyre janë më të vogla.