Një anije me flamur rus që transportonte mijëra tonë drithë po mbahet dhe po hetohet nga autoritetet turke në portin Karasu të Detit të Zi mbi pretendimet se ngarkesa e saj është vjedhur nga Ukraina, raportoi të martën The Guardian.
Zyrtarët doganorë turq vepruan pasi Kievi pretendoi se Zhibek Zholy po transportonte ilegalisht 7,000 tonë drithë nga Berdiansku i pushtuar nga Rusia, një port ukrainas në juglindje të vendit.
Ministri i Jashtëm i Rusisë, Sergei Lavrov, konfirmoi se anija ishte e Rusisë.
Kievi ka akuzuar Rusinë për vjedhjen e grurit nga territori i okupuar ukrainas për t'i shitur në tregjet ndërkombëtare. Eksportet e grurit të vendit janë përgjegjëse për pothuajse 15% të totalit botëror.
Rasti i Zhibek Zholyt ka sjellë në fokus pretendimet për vjedhje dhe e ka vënë qeverinë turke në një pozitë të ndjeshme ndërsa vazhdon të kërkojë një rol ndërmjetësues midis Moskës dhe Kievit për çështjen e furnizimit global me ushqime.
