Policia në Indi ka arrestuar bashkëthemeluesin e një faqeje interneti për kontrollin e fakteve, i cili ka qenë kritik i zëshëm i qeverisë së kryeministrit Narendra Modi.
Mohammed Zubair i AltNews është akuzuar për fyerje të besimeve fetare në Twitter, tha një rrjet i organizatave mediatike.
Liderët e opozitës dhe gazetarët e kanë dënuar arrestimin.
Ata thanë se ishte një përpjekje e qartë e qeverisë hindu-nacionaliste për të shtypur ata që ekspozojnë gjuhën e urrejtjes, shkruan BBC-ja të martën.
Zubair së fundmi theksoi komentet e një zëdhënësi të Partisë qeverisëse Bharatiya Janata (BJP) që besohej se fyente Profetin Muhamed gjatë një debati televiziv. Tweet-i i tij u shpërnda gjerësisht dhe bëri që disa vende myslimane të bënin protesta të forta me Indinë.
Javët e fundit, nacionalistët kanë tërhequr vëmendjen ndaj komenteve të kaluara të bëra nga Zubair dhe kërkuan që ai të ndiqej penalisht për lëndimin e ndjenjave të tyre fetare.
© KOHA. Të gjitha të drejtat janë të rezervuara.
