Birmania djeg drogat në vlerë prej 642 milionë dollarëve
Autoritetet e Birmanisë të dielën dogjën lëndë narkotike të paligjshme me vlerë mbi 642 milionë dollarë. Djegia e narkotikëve u bë për ta shënuar Ditën Ndërkombëtare Kundër Abuzimit të Drogave dhe Trafikimit të paligjshëm.
Drogat e konfiskuara si heroina, kanabisi, metamfetamina dhe ketamina, së bashku me kimitatet e sekuestruara të përdorura për prodhimin e drogës sintetike u shkatërruan në qytezën në rajonin e Yangonit.
Ceremoni të ngjashme shkatërrimi ndodhën edhe në dy rajone të tjera. Birmania është një nga prodhueset më të mëdha të lëndëve narkotike, shumica e të cilave prodhohet në rajonet kufitare jashtë kontrollit të qeverisë ushtarake.
Ministria e Punëve të Brendshme e Birmanisë, gjatë ceremonisë ka theksuar se shteti po përballet me një sfidë të re të drogave sintetike që prodhohen duke përdorur kimikatet, pasi kishin parë rënie në kultivimin dhe prodhimin lulëkuqes së opiumit.
