Botë

Zelensky: Pas statusit të vendit kandidat, do ta mposhtim armikun

 

Presidenti ukrainas, Volodymyr Zelensky, e ka quajtur fitore vendimin e Këshillit Evropian për t'i dhënë Ukrainës statusin e vendit kandidat për anëtarësim në Bashkim Evropian, raportoi CNN-i të enjten.

“Sapo kemi marrë kandidaturën. Kjo është një fitore që e prisnim 120 ditë e 30 vjet. Pas kësaj do ta mposhtim armikun dhe do të pushojmë pak. Ose ndoshta do ta rindërtojmë Ukrainën në fillim dhe më pas do të pushojmë”, ka deklaruar Zelensky.