Botë

Përkundër “presionit të madh”, Serbia refuzon t’i vërë sanksione Rusisë

 

Kryeministrja e Serbisë, Ana Bërnabiq, ka thënë se Serbia po përballet me presion të jashtëzakonshëm sepse është i vetmi vend në Evropë që s’i ka vënë sanksione Rusisë për shkak të pushtimit të Ukrainës.

“Qëndrimi ynë është plotësisht me të drejtën ndërkombëtare dhe interesat tonë kombëtarë. S’është aspak e lehtë, por ne po luftojmë çdo ditë që ta ruajmë”, ka thënë ajo për Radio Televizionin e Serbisë, duke shtuar se qëndrimi i Serbisë nuk do të ndryshojë as në të ardhmen.