Botë

Rusia teston raketën hipersonike “Zircon”

Rusia testoi me sukses një raketë lundrimi hipersonike “Zircon” në një distancë prej rreth 1000 km, bëri të ditur të shtunën ministria e Mbrojtjes.

Raketa u lëshua nga Deti Barents dhe goditi një objektiv në Detin e Bardhë, shtoi kjo ministri.

Videoja e publikuar tregon raketën duke u gjuajtur nga një anije dhe duke u ndezur në qiell në një trajektore të pjerrët.

Presidenti rus, Vladimir Putin e ka përshkruar Zirkon si pjesë e një gjenerate të re të sistemeve të pakrahasueshme të armëve. Armët hipersonike mund të udhëtojnë me nëntë herë shpejtësinë e zërit, dhe Rusia ka kryer testime të mëparshme të Zircon nga anijet luftarake dhe nëndetëset vitin e kaluar, raporton Reuters.

Ushtria ruse ka pësuar humbje të mëdha njerëzish dhe pajisjesh gjatë pushtimit të saj tre-mujor të Ukrainës, të cilin ajo e quan një "operacion special", por ajo ka vazhduar të organizojë teste të profilit të lartë të armëve për t'ia kujtuar botës aftësitë e saj në teknologjinë e raketave.

Muajin e kaluar ajo testoi një raketë të re ndërkontinentale me aftësi bërthamore, Sarmat, e aftë për të mbajtur 10 ose më shumë koka luftarake.