Botë

Talebanët detyrojnë prezantueset t’i mbulojnë fytyrat gjatë transmetimeve televizive

Talebanët kanë urdhëruar prezantueset gra të televizioneve afgane ta mbulojnë fytyrën kur janë në transmetim, raportoi BBC të enjten.

Vendimi vjen dy javë pasi të gjitha gratë u urdhëruan të veshin burkan në publik, ose do të ndëshkohen nëse nuk e bëjnë një gjë të tillë.

Kufizimet për gratë po shtrëngohen – ato janë ndaluar të udhëtojnë pa përcjelljen e të afërmve burra dhe shkollat e mesme janë mbyllur për vajzat.

Dekreti i fundit po kritikohet ashpër në Twitter duke e quajtur atë një hap tjetër nga talebanët që ta promovojnë terrorizmin.

“Bota vendos maska për t’i mbrojtur njerëzit nga COVID-i. Talebanët vendosin maska për t’i mbrojtur njerëzit që t’i shohin fytyrat e grave gazetare. Për talebanët, gratë janë një sëmundje”, shkroi një aktivist.

Kanali I lajmeve Shamshad postoi një fotografi të prezantueses me maskë dhe imazhe të ngjashme po shpërndahen në rrjetet sociale.