Së paku dhjetë të vdekur nga sulmi me armë në një supermarket në New York

Një person i armatosur me automatik ka hapur zjarr në një supermarket në Buffalo të New Yorkut të shtunën pasdite, duke vrarë së paku dhjetë persona, para se të arrestohej nga Policia, raporton agjencia AP.

Në të vërtetë detaje për numrin e personave që janë qëlluar me armë në Tops Friendly Market dhe për gjendjen e tyre nuk janë bërë të ditura menjëherë. Por dy zyrtarët policorë në kushte anonimiteti kanë treguar për agjencinë AP se bëhet fjalë për së paku dhjetë të vdekur.

Hetuesit besojnë se personi kishte xhiruar sulmin dhe po shikojnë nëse e ka postuar diku online manifestin.

Policia e Buffalos ka konfirmuar në një postim në Twitter se është arrestuar një i dyshuar.

Dëshmitarët thonë se sulmuesi kishte veshje ushtarake. Tre persona tjerë janë lënduar. 

Braedyn Kephart dhe Shane Hill, të dy ishin në parking dhe panë sulmuesin duke dal nga marketi. Ata thonë se sulmuesi ishte në fillim të 20-tave me gjasë dhe kishte një helmetë të zezë. Ai u arrestua nga Policia.

Zëdhënësja për media e Shtëpisë së Bardhë, Karine Jean-Pierre, ka thënë se presidenti i SHBA-së, Joe Biden, po merr informata rregullisht për të rejat nga sulmi.

Policia thotë se dyshohet se sulmi ishte i motivuar në baza racore. 

Një person është arrestuar pasi ka qëlluar disa persona me armë zjarri në një supermarket në Buffalo të New Yorkut të shtunën pasdite, ka njoftuar Policia, raporton CNN.

Policia e Buffalos ka reaguar pas informatës për të shtëna me armë në Tops Markets.

Autoritetet nuk kanë bërë të ditur se sa persona janë plagosur.

Nuk është bërë e ditur ende se sa persona janë plagosur dhe sa e rëndë është gjendja e tyre.

© KOHA. Të gjitha të drejtat janë të rezervuara.