Një person u lëndua pas shpërthimit të një zjarri në objektin e Ministrisë të Mbrojtjes ruse, në rajonin jugor të Belgorodit, në kufi me Ukrainën, njoftoi Reuters të dielën.
Guverantori i rajonit, Vyacheslav Gladkov, njoftoi për ngjarjen, derisa i lënduari është jashtë rrezikut për jetë.
Si pasojë e shpërthimit janë dëmtuar shtatë shtëpi.
Autoritetet ruse nuk dhanë detaje për zjarrin dhe ende nuk është qartësuar shkaku i shpërthimit.
Muajin e kaluar, Rusia akuzoi Ukrainën për një sulm me helikopter në një depo karburanti në Belgorod si dhe bombardimin e disa fshatrave ku po mbaheshin depo municioni.
