Botë

Osetia Jugore planifikon t’i bashkohet Rusisë

 

Presidenti i rajonit separatist gjeorgjian, ai i Osetisë Jugore, Anatoly Bibilov, ka deklaruar të mërkurën se territori do të ndërmarrë hapa në të ardhmen e afërt për t'u bërë pjesë e Rusisë.

Moska e njohu këtë territor dhe rajonin bregdetar të Abkhazisë si të pavarur, pas një lufte me Gjeorgjinë në vitin 2008. Ajo u ka ofruar këtyre rajoneve mbështetje të gjerë financiare, shtetësi për popullatën dhe ka vendosur mijëra trupa atje.