Zvicra neutrale ka miratuar më shumë sanksione të Bashkimit Evropian kundër Rusisë për pushtimin e Ukrainës, ka thënë Qeveria e vendit, shkruan Sky.
Sipas vendimit, eksporti i mallrave dhe shërbimeve të lidhura me sektorin energjetik rus tani është i ndaluar.
“Është ndaluar gjithashtu pjesëmarrja në biznese aktive në sektorin e energjisë dhe dhënia e kredive apo burimeve të tjera financiare për biznese të tilla”, thuhet në njoftimin e qeverisë.
Çfarë do të ndalohet sipas masave?
- Importet e mallrave të hekurit dhe çelikut nga Rusia ose me origjinë nga Rusia
- Eksporti i mallrave luksoze në Rusi
- Eksporti i mallrave të lundrimit detar në Rusi.
- Do të ndalohen transaksionet me kompani të caktuara shtetërore dhe ofrimi i shërbimeve të vlerësimit të kredisë
Të gjitha masat janë në paketën e katërt të BE-së në sanksionet kundër Rusisë.
Por Zvicra nuk e ka zbatuar masën për bllokimin e mediave ruse Sputnik dhe Russia Today.
Të gjitha sanksionet hyjnë në fuqi sonte nga ora 22:00.