Organizata Botërore e Shëndetësisë (OBSH) ka konfirmuar për disa sulme në qendrat e kujdesit shëndetësor në Ukrainë, duke shkaktuar shumë vdekje e lëndime.
Drejtori i OBSH-së, Tedros Adhanom Ghebreyesus ka shkruar të dielën në Twitter se janë duke u hetuar edhe raporte tjera.
“Sulmet ndaj infrastrukturës shëndetësore dhe po ashtu ndaj punonjësve shëndetësorë janë shkelje e ligjeve ndërkombëtare humanitare”, tha Ghebreyesus.
Deri më tash, OBSH ka raportuar për gjashtë qendra mjekësore të sulmuara nga forcat ruse. Këtë e ka konfirmuar për BBC-në kreu i zyrës së OBSH-së në Ukrainë, Jarno Habicht.
“Këto janë spitale apo disa prej tyre ambulanca”, tha Habricht, duke shtuar se po sulmohen edhe mjekët që janë në vijën e frontit për të ndihmuar të plagosurit.
Ai ka shtuar se punonjësit shëndetësorë po e kanë të vështirë t’i dalin në ndihmë qytetarëve për shkak të sulmeve të vazhdueshme. Ai e ka përshkruar situatën shumë të rëndë, pasi ka thënë se shëndetësia është përballur me shumë sfida gjatë pandemisë COVID-19.
-
OBSH: Sulmet në spitale po bëhen pjesë e taktikave të luftës në Ukrainë
-
Sulmohet në Ukrainë stafi i OBSH-së
-
OBSH-ja i kërkon Rusisë të bëjë paqe “për hir të humanitetit”
-
OBSH-ja thotë se 24 institucione shëndetësore në Ukrainë janë sulmuar në dy javë
-
Tetë të vrarë nga sulmet ruse teksa OKB-ja diskuton se si ta ndalë luftën në Ukrainë