Botë

Gjenden gati të gjithë majmunët që ikën pas aksidentimit të kamionit në Pennsylvania

Të gjithë majmunët, me përjashtim të njërit, që ikën pas aksidentimit të kamionit me të cilin po transportoheshin në Pennsylvani, janë gjetur, raporton “The Guardian”.

Disa nga 100 majmunë që gjendeshin në kamionin, ikën, mirëpo të gjithë janë gjetur, me përjashtim të njërit. Autoritetet në Pennsylvania janë duke kërkuar majmunin e fundit, ndërsa u është bërë thirrje qytetarëve që nëse e shohin të mos i afrohen por vetëm të lajmërojnë.

Kristen Nordlund, zëdhënës i Qendrës Federale për Kontrollin dhe Parandalimin e Sëmundjeve, ka treguar se të gjithë 100 majmunët, me përjashtim të njërit janë gjetur. Ndërsa tre nga majmunët janë eutanazuar.

Arsyeja Nordlund ka thënë se ishte për shkak të gjendjes së rëndë.

Dërgesa me majmunët kishte arritur në aeroportin e New Yorkut nga Mauritiusi. Ndërsa kamioni që po i transportonte u aksidentua në autostradë në afërsi të Pennsylvanias.