Një djalë 3-vjeçar është nxjerrë i gjallë nga rrënojat gjashtë ditë pas tërmeteve shkatërruese që goditën Venezuelën, njoftoi ekipi jordanez i shpëtimit.
Fëmija, i identifikuar si Klieber Moran, u shpëtua nga rrënojat në qytetin La Guaira, ndërsa presidentja e përkohshme e Venezuelës, Delcy Rodriguez, e cilësoi shpëtimin si një rreze shprese për vendin.
Sipas Mbrojtjes Civile të Jordanisë, 3-vjeçarit iu dha menjëherë ndihma e parë, më pas u transportua në spital në Karakas, ku po merr trajtim. Autoritetet thanë se gjendja e tij është stabile dhe shenjat jetësore janë të mira.
Bilanci i viktimave nga dy tërmetet me magnitudë 7.2 dhe 7.5, që goditën vendin javën e kaluar, ka kaluar 1,900 të vdekur. Mbi 10 mijë persona janë lënduar, ndërsa dhjetëra mijëra të tjerë vazhdojnë të figurojnë të zhdukur.
Edhe
Një burrë nxirret i gjallë nga rrënojat tetë ditë pas tërmeteve në Venezuelë
Sipas një vlerësimi paraprak të bazuar në të dhënat satelitore të NASA-s, lëkundjet kanë dëmtuar ose shkatërruar rreth 58,870 ndërtesa.
Ndërkohë, Organizata e Kombeve të Bashkuara ka paralajmëruar se dhjetëra mijëra banorë kanë nevojë urgjente për ushqim, strehim dhe ndihmë humanitare.
