2 perditesime
21:02

​Alarmi për bombë në Shkup doli të jetë i rrejshëm

Ministria e Punëve të Brendshme e Maqedonisë Veriore ka informuar se pas alarmit për bombë në qendër të Shkupit, ajo ka kryer të gjitha kontrollet dhe ka konstatuar se alarmi për bombë ka qenë i rrejshëm dhe nuk ka pasur asnjë rrezik për jetën e qytetarëve.

Ndërkohë, sipas MPB-së, po merren të gjitha masat për të gjetur personin që ka shpërndarë këtë informacion të rrejshëm dhe që ka shkaktuar panik te qytetarët.

Si pasojë e alarmit për bombë, një pjesë e rrugëve në qendër të Shkupit ishte bllokuar për qarkullim.

19:59

Teatri Kombëtar anulon shfaqjen pas alarmit për bombë në Shkup

Pas alarmit të sotëm për bombë në afërsi të Teatrit Kombëtar në Shkup, shfaqja e paraparë për sonte është anuluar.

Teatrit Kombëtar ka bërë të ditur se të gjithë ata që kanë marrë biletat online për shfaqjen e sotme do t’iu kthehen paratë.

Ndërkohë policia ka evakuuar zonën për rreth Teatrit dhe Ministrisë së Jashtme.

Në këtë zonë është vërejtur prani e shtuar e forcave policore, ndërsa për pak kohë ishte e bllokuar për qarkullim rruga që çon në Ministrinë e Jashtme.

Ministria e Punëve të Brendshme e Maqedonisë Veriore ka informuar opinionin se vepron pas denoncimeve për sulm, pasi që një person në orën 16 e 45 minuta është paraqitur në biletarinë e Teatrit Kombëtar të Maqedonisë.

Sipas MPB-së bëhet fjalë për masa standarde të policisë, pas denoncimeve dhe menjëherë pasi të përfundojnë kontrollet dhe besueshmërinë e informacioneve do ta informojmë opinionin.

MPB apelon qytetarët që të jetë të qetë. Ky njoftim i MPB-së erdhi pas bllokimit të disa rrugëve në afërsi të Teatrit, Prokurorisë dhe Ministrisë së Jashtme si dhe evakuimin e punëtorëve nga ndërtesat për rreth./AlsatM

19:20

Alarm për bombë në Shkup

Një alarm për bombë në Teatrin Kombëtar në Shkup, ka bllokuar rrugët në disa zona në kryeqendrën e Maqedonisë së Veriut, raporton Alsat M.

Fillimisht ishte raportuar se mund të ketë bombë në objektin e Ministrisë së Jashtme, por sipas informatave ka pasur alarm se mund të ketë bombë në Teatrin Kombëtar.

Rrugët kryesore të Shkupit janë bllokuar. Një alarm të tillë pati edhe mbrëmë, ku një qytetar bëri një njoftim të rrejshëm nëpërmjet rrjeteve sociale.

Ministria e Punëve të Brendshme e Maqedonisë ka informuar opinionin se vepron pas denoncimeve për sulm, pasiqë një person në orën 16 e 45 minuta është paraqitur në biletarinë e Teatrit Kombëtar të Maqedonisë. Sipas MPB-së bëhet fjalë për masa standarde të policisë, pas denoncimeve dhe menjëherë pasi të përfundojnë kontrollet dhe besueshmërinë e informacioneve do ta informojmë opinionin. MPB apelon qytetarët që të jetë të qetë.

Ky njoftim i MPB-së erdhi pas bllokimit të disa rrugëve në afërsi të Teatrit, Prokurorisë dhe Ministrisë së Jashtme si dhe evakuimin e punëtorëve nga godinat për rreth.