Ministria e Mbrojtjes ka njoftuar të enjten se Tajvani duhet të përgatitet që ta mbrojë veten dhe të mos varet nga shtetet e tjera po qe se Kina e nis sulmin ushtarak ndaj ishullit.
Ministria tajvaneze ka specifikuar se nuk dëshiron që të varet as nga Shtetet e Bashkuara të Amerikës që kanë shprehur gatishmëri për të mbrojtur ishullin.
Tensionet mes Tajvanit dhe Kinës janë ngritur në nivelin më të lartë në dekadat e fundit.
Kina ka dërguar aeroplanë luftarakë në hapësirën ajrore të ishullit, duke e ashpërsuar fushatën e ngacmimit ushtarak.
Ministria e Mbrojtjes në Tajvan ka bërë të ditur se Kina do të ketë kapacitete të plota ushtarake për ta pushtuar ishullin në vitin 2025.
Kina e sheh Tajvanin si pjesë të sajën, ani pse ishulli ka shpallur pavarësinë në vitin 1949, pas një lufte të gjatë civile.
© KOHA. Të gjitha të drejtat janë të rezervuara.
