Një tornado e fuqishme ka goditur pjesën perëndimore në Louisiana të Shteteve të Bashkuara të Amerikës, duke dëmtuar dhjetëra shtëpi.
Tornado ka goditur shtetin amerikan që në muajt e fundit është përballur me seri të stuhive të fuqishme.
Shërbimi kombëtar i motit ka bërë të ditur se tornadoja ishte e nivelit të dytë dhe ka shkaktuar dëme të konsiderueshme.
Gjatë stuhisë janë lënduar dy persona; një grua që u lëndua nga thyerja e xhamave të shtëpisë dhe personi tjetër kur u godit nga një pjesë e shkatërruar e shtëpisë.
Tornadoja ishte pjesë e motit të ligë që ka përfshirë Teksasin.
Shërbimi Kombëtar i Motit ka thënë se stuhia ishte e fuqishme por është larguar shpejtë.
Furnizuesit kanë thënë se energjia elektrike është rikthyer nëpër të gjitha shtëpitë. Kanë kërkuar kujdes gjatë heqjes së kabllove të dëmtuara.
© KOHA. Të gjitha të drejtat janë të rezervuara.
