Samara ishte në mesin e të parave prej 85 rajoneve të Rusisë ku njerëzve u është kërkuar që të mos dalin pa ndonjë nevojë urgjente nga shtëpia, pas konfirmimit të rekordit të rasteve ditore me koronavirus.
Rreth 1200 raste janë regjistruar brenda 24 orëve të fundit në rajon. Është shifra më e lartë prej fillimit të pandemisë së koronavirusit. Presidenti Vladimir Putin ka urdhëruar të mos punohet ndërmjet 30 tetorit dhe 7 nëntorit.
Gjashtë rajone të tjera kanë nisur prej të hënës periudhën e qëndrimit në shtëpi të punëtorëve me qëllim që të mos i kontribuohet përhapjes së koronavirusit.
Autoritetet e rajonit të Samarës kanë urdhëruar edhe restorantet, qendrat sportive dhe sportive që të ndalin aktivitetet dhe të ketë qasje të kufizuar në hotele dhe qendra tregtare për qytetarët e vaksinuar.
