1 perditesime
Botë

Vdes pas therjes me thikë deputeti konservator në Britani

Vdes pas therjes me thikë deputeti konservator në Britani
16:17

Vdes pas therjes me thikë deputeti konservator në Britani

Deputeti konservator britanik David Amess ka vdekur pasi u godit me thikë disa herë në një takim elektoral në lindje të Londrës, njoftuan mediat lokale të premten.

"Ai u trajtua nga shërbimet e urgjencës, por, për fat të keq, ai vdiq në vendngjarje", tha policia e Essex, raportoi Reuters.

"Një 25-vjeçar u arrestua pasi oficerët mbërritën në vendngjarje nën dyshimin për vrasje dhe një thikë u gjet aty", shtoi tutje policia.

Amess, 69 vjeç, një deputet që përfaqësonte Southend West në Essex, u godit me thikë rreth mesditës nga një burrë që hyri në kishë ku deputeti po mbante takim me votuesit e tij.

Incidenti u prit me tronditje në të gjithë spektrin politik të Britanisë.

15:15

Theret deputeti britanik

Deputeti konservator David Amess është therur me thikë disa herë, thanë zyra e tij dhe policia. Një burrë është arrestuar.

Deputeti veteran, i cili ka përfaqësuar Southend West në Essex që nga viti 1983, u sulmua në kishën Belfairs në Leigh-on-Sea, raportoi Sky News.

Stafi në zyrën e Amess tha se ata nuk dinin detaje të mëtejshme dhe po prisnin përditësime.

Në një deklaratë të shkurtër, policia e Essex tha se një burrë ishte arrestuar pas një incidenti në Leigh-on-Sea.