Përplaset treni me një minibus në Turqi, vdiqën katër njerëz
Katër persona vdiqën në një përplasje mes një treni mallrash dhe një minibusi në veriperëndim të Turqisë. U lënduan tetë të tjerë, njoftoi agjencia turke e lajmeve Demiroren.
Përplasja në një vendkalim hekurudhor në Ergene, përfshiu një minibus që transportonte punëtorë të fabrikës dhe një tren që shkonte në Cerkezkoy.
Personat që vdiqën të gjithë ishin në minibusin, i cili doli para trenit pas goditjes. Imazhet treguan automjetin e dëmtuar rëndë të kthyer përmbys pranë shinave të trenit.
Më 2018, 25 njerëz vdiqën kur një tren pasagjerësh doli nga shinat në Corlu. Shkaktar i atij aksidenti ishte shiu i fortë që shkaktoi shembjen e një pende.
