Pamjet satelitore të shkatërrimeve nga uragani Ida
Pjesë të Louisianas dhe Mississippit kanë mbetur të shkatërruara nga uragani Ida, që ka vërshuar komunitetet, ka rrëzuar shtyllat elektrike dhe ka mbushur rrugët me rrënoja, shkruan BBC.
Imazhet satelitore të bëra nga Maxar tregojnë shkallën e shkatërrimit, pasi uragani Ida u bë stuhia e pestë më e madhe që goditi tokën amerikane.
Zonat bregdetare janë prekur veçanërisht rëndë, përfshirë qytetet e vogla si Jean Lafitte, Barataria dhe Lafitte e ulët.
Kryebashkiaku i Jean Lafittes, Tim Kerner, ka thënë se qyteti ka përjetuar vërshime katastrofale. Llogaritet se afro 90 për qind e shtëpive kanë pësuar dëme serioze.
Shefi i policisë lokale ka thënë se së paku 400 persona kishin vendosur të mos largoheshin nga stuhia dhe dhjetëra prej tyre është dashur të shpëtohen. Në pamjet satelitore shihen shtëpitë e vërshuara, e zonat që dikur ishin të gjelbëruara të mbushura tash me ujë.
