Botë

“Vetëm thuaj se pati manipulime”: Presioni i Trumpit për zgjedhjet e 2020-s

Foto: AP

Ish-presidenti amerikan, Donald Trump, ka ushtruar presion mbi zyrtarët kryesorë të Departamentit të Drejtësisë për të deklaruar rrejshëm se zgjedhjet e 2020-s ishin të manipuluara. Krejt kjo, sipas disa memoareve të porsapublikuara, kishte për synim që ai dhe aleatët e tij në Kongres të mund t’i përmbysnin rezultatet dhe që Trumpi të rikthehej në detyrë.

 

Shefi i mëparshëm i Shtëpisë së Bardhë bëhet e ditur se ka ushtruar presion mbi dy ish-zyrtarë të lartë të Departamentit amerikan të Drejtësisë, në mënyrë që ata të deklaronin rrejshëm se zgjedhjet presidenciale të vitit të shkuar ishin manipuluar dhe që ai të mund ta rikthente postin presidencial

Ish-presidenti amerikan, Donald Trump, ka ushtruar presion mbi zyrtarët kryesorë të Departamentit të Drejtësisë për të deklaruar rrejshëm se zgjedhjet e 2020-s ishin të manipuluara. Krejt kjo, sipas disa memoareve të porsapublikuara, kishte për synim që ai dhe aleatët e tij në Kongres të mund t’i përmbysnin rezultatet dhe që Trumpi të rikthehej në detyrë.

“Vetëm thuaj se zgjedhjet ishin të manipuluara (dhe) tjerat lërmi mua”, i ka thënë ish-presidenti ushtruesit të mëhershëm të detyrës së prokurorit të përgjithshëm, Jeffrey Rosen, dhe zëvendësit të tij, Richard Donoghue. Citatet janë pjesë e memoareve të siguruara nga komiteti për mbikëqyrje i Dhomës së Përfaqësuesve, ka raportuar e përditshmja britanike “The Guardian”. Shënimet janë marrë nga Donoghe, i cili ka dokumentuar telefonatën e 27 dhjetorit midis Trumpit dhe Rosenit.