Botë

HRW: Izraeli ka kryer krime të luftës në Gazë

 

“Human Rights Watch” ka akuzuar ushtrinë izraelite për ndërmarrjen e sulmeve që përbëjnë krime të qarta të luftës, gjatë luftimeve 11-ditore kundër grupit militant Hamas.

Organizata ndërkombëtare për mbrojtjen e të drejtave të njeriut ka publikuar një raport me konstatime, të përpiluar pas hetimit të tri sulmeve ajrore izraelite që kanë rezultuar me vdekjen e 62 civilëve palestinezë. Grupi ka bërë të ditur se me rastin e sulmeve nuk ka pasur caqe të qarta ushtarake në afërsi.