Një veteran i Forcave Speciale Ushtarake amerikane dhe i biri i tij kanë pranuar të hënën se e kanë ndihmuar ish-shefin e Nissanit në ikjen ilegale nga Japonia në një kuti të ngarkuar në aeroplan privat.
Të ekstraduar në Japoni nga SHBA-ja gjatë marsit, dyshja amerikane po mbahet në burgun e njëjtë në Tokio, ku dhe ishte ndaluar Ghosni.
Ata tani përballen me tre vjet heqje lirie. Prokurorët i kanë akuzuar për ndihmën ofruar Ghosnit në shmangien e dënimit dhe ikjen drejt Libisë, për një pagesë prej 1.3 milionë eurosh. Plani ishte përpiluar gjashtë muaj para se Ghosn të ikte.
Të dyshuarit janë ekstraduar në Japoni, me gjithë përpjekjen disamujore të avokatëve për ta parandaluar këtë. Në kohën e arratisjes Ghosn ishte në pritje të gjykimit për akuzat që lidhen me malverzime në pasqyrat financiare të Nissanit.
© KOHA. Të gjitha të drejtat janë të rezervuara.
