Botë

Erdogani kërcënon me ndërhyrje ushtarake brenda Irakut

 

Presidenti Recep Tayyip Erdogan, i ka tërhequr vërejtjen Irakut të mërkurën se Turqia do ta kontrollojë një kamp refugjatësh që po shërben si strehë për militantët kurdë, duke e paralajmëruar zgjerimin e fushatës ushtarake në territorin irakian.

Që prej vitit të kaluar, Turqia ka sulmuar bazat e Partisë Popullore të Kurdistanit rreth 30 kilometra në brendësi të Irakut, mirëpo Erdogani të mërkurën ka sinjalizuar se do ta pastrojë kampin e refugjatëve që gjendet 180 kilometra larg pikës kufitare me Turqinë.