Ushtria izraelite thotë se goditi 150 objektiva në sulmin “metro”
Foto: AP
13:11
Ushtria izraelite thotë se goditi 150 objektiva në sulmin “metro”
Forcat e Mbrojtjes së Izraelit kanë lëshuar video të një operacioni brenda natës që synoi shkatërrimin e "një sistemi tuneli nëntokësor" në Gaza i njohur si "metro".
"Objektivi: Sistemi i tunelit Hamas ‘Metro’ në Gaza. Operacioni: 160 aeroplanë, tanke, artileri dhe njësi këmbësorie përgjatë kufirit", thuhet në një cicërime në Twitter nga forcat izraelite.
"Ne goditëm 150 objektiva dhe dëmtuam shumë kilometra të rrjetit ‘Metro’ të Hamasit’’, vijon deklarata.
Zëdhënësi i ushtrisë izraelite, Jonathan Conricus, ka thënë se sistemi i tunelit është një "rrjet që përdorin operativët e Hamasit në mënyrë që të lëvizin, që të fshihen, për t'u mbuluar".
The target: The Hamas ‘Metro’ tunnel system in Gaza.
The operation: 160 aircraft, tanks, artillery and infantry units along the border.
We struck 150 targets and damaged many kilometers of the Hamas ‘Metro’ network. pic.twitter.com/otn7JKxB9c
127 të vrarë nga konflikti mes Izraelit dhe palestinezëve
Të paktën 119 njerëz janë vrarë në Gaza, duke përfshirë 31 fëmijë, dhe 830 të tjerë janë plagosur në luftimet aktuale, kanë thënë zyrtarët mjekësorë palestinezë.
Numri i të vdekurve në Izrael është tetë, duke përfshirë një grua 87-vjeçare e cila vdiq pasi një bombë ra në rrugën ku po ecte afër Ashdod.
08:18
Izraeli intensifikon sulmet në Gaza, konflikti hyn në ditën e pestë
Ushtria izraelite ka intensifikuar sulmet e saj në Gaza, derisa militantët palestinezë po vazhdojnë të gjuajnë raketa në Izrael, në ditën e pestë të gjendjes së luftës.
BBC-ja raporton se gjatë ditës së enjte, atje kishte bombardime të rënda që përfshinin anije me armë, avionë luftarakë dhe helikopterë.
Më shumë se 100 persona janë vrarë deri më tani në Kaza dhe shtatë në Izrael që kur kanë nisur luftimet, të hënën e kaluar.
Ndërkohë, turmat hebreje dhe izraelito-arabe kanë luftuar brenda Izraelit, duke e nxitur presidentin izraelit që të paralajmërojë për luftë civile.
Ministri i Mbrojtjes i Izraelit, Benny Gantz urdhëroi një "përforcim masiv" të forcave të sigurisë për të shtypur trazirat e brendshme që kanë shkaktuar arrestimin e më shumë se 400 personave.
Policia thotë se arabët izraelitë kanë qenë përgjegjës për shumicën e problemeve duke hedhur poshtë akuzën se ata po qëndrojnë pranë ndërsa bandat e të rinjve hebrenj ua kanë mësyrë shtëpive arabe.
